మిత్రద్వయం
==========
అవును,  ఇప్పుడు చీకటి చిక్కబడే సమయానికి
సరిగ్గా ఇద్దరుమిత్రులు నన్ను వెన్నంటి నా
పడకగదిలోకి మెలమెల్లగా నక్కి చేరుతూ వుంటారు.
వారి స్వరాభిషేకంతో తమగానఫణితిని అనుక్షణం
ప్రదర్శిస్తూ,నాచెంతకు చేరి నా ఒంటరి తనానికిపలాయనం
 చిత్తగించమని సలహాలిస్తూ సాగిపోతూ వుంటారు.

ఒకటేమో వదన గ్రంధపు మిత్రుల సంక్షిప్తపు
సందేశాల సంబరాలనిమోసుకొస్తూ
 మోజుగా శబ్దం చేస్తుండే  పిడికిలిలో
బందీయైపోయి ప్రపంచపు మనోగతాన్ని ఆ విష్కరించే సెల్ఫోను.

మరొకటి గోడకు చిలక్కొయ్యకు కట్టిపడేసిన వస్తువులా నిలుచుని
కాలఘడియలను నియంత్రించనిచ్చగింపని గోడ గడియారపు
క్షణభంగురమైనా ఖంగు ఖంగున గంటలు మోగించే ఘంటానాదం.
======================================================