కనుముక్కు తీరులు కరకైన నేమిలే
          వెండితెర వేలుపై వెలుగవచ్చు
అక్షరమ్ములు నాల్గు అంటిముట్టినచాలు
          పాటల కవులుగా బ్రదుకనోపు
వస్త్ర సన్యాసమే వరముగా ధరియించ
           నిద్రలో యువతకు ముద్ర పడును.
భాషణ బాగున్న భావి కాలమ్మున
          గొంతుక ఎరువిచ్చు గొప్ప వచ్చు
ఏమి మాయర ఇట్లు చిత్రజగత్తునందు
వెలుగురీతులనెన్నియో వెదుక వచ్చు
పండితుల వోలె శాలువా పైన గప్పి
నాల్గు ముక్కలమంత్రాలు నమ్మ బలికి
అతిధి సేవలనందించు ప్రతిభ హెచ్చు.
=================================