ముఖాముఖీ
---------------రావెల
-------------------------

భగవంతుడిని
ప్రశ్నించడం మొదలెట్టాను!
ఎందుకింత అరాచకం
అల్లకల్లోలాలనూ  సృష్టించి
నిమ్మకుంటుంటున్నావు అని?
చిరునవ్వేసమాధానం.

మరోప్రశ్నతో పరమాత్ముడిని
ఒక్కుదుట కుదిపేసాను
ఎందుకు జనమంతా ఇలా
అంతు అడ్డులెరుగని సంపాదనకోసం
వెంపర్లాడేలా చేసావని నిలదీసాను
చివరకు మిగిలేది చితాభస్మమేగదా?
చిరుదరహాసమే సమాధానం.

ఇంకొక్క ప్రశ్నతో నిలదీసాను.

ఎందుకింతమందిని ఆహారం
అందుబాటులోలేకుండా అలమటించేలా చేసావ్?
శ్రమైకజీవన సౌందర్యానికి
ఖరీదు కట్టగలగాలికదా!!
సబ్సిడీల సమారోహణకు దూరంగా
ఉంచడం మేలనే ఊహతో అలాచేసాను
అని చిరుకోపం ప్రదర్శించాడు.!!
================================