కామోదరానాం-----
===================రావెల
==============================


వాడు ఎవడైతేనేం
ఆడువారు తలకట్టుపై
అపురూపంగా ధరించే
అభిమాన ధనంపై
ఆంక్షలు విధించేవాడు
తాకట్టు పెట్టమని
తరిమికొFఉతున్న వాడు
కరెన్సీ నోట్లకింద
మానాన్ని కప్పెట్టమని
కాంక్షించేవాడు
కలికాలపు యముడు
కాలనాగులా బుసకొట్టే
త్రాచుపాము వీడు
కాలాంతకుడు

కాల్మనీ చోదకుడు
రాజకీయం ముసుగులో
రక్షణకోరుతున్నవాడు
కాలాగ్ని దహించవలసిన
నేటి కలికాలంలో
స్వదస్తూరీ లేని ప్రామిసరీ నోట్లపై
పడగలెత్తిన శ్రీమంతుడు
దస్తావేజులపై ఖాళీ సంతకాల చోరుడు
మానాలను కలిసికట్టుగా
దత్తత తీసుకున్న దౌర్భాగ్య
కామోదరుడు--కాలకూట పన్నగం
పన్నాగాల విషకుంభం.
వాడుఎంతటివాడైనాసరే
కఠినంగా శిక్షార్హుడు.
పార్టీలపరువు గాలికెగిరిపోతుందని
సుడిగాలిని ఆపాలని ససేమిరా చూడకండి
అందరినీ శిక్షించి ఆదర్శంగా నిలవండి
పదికాలపాటు ప్రజల మన్నలను చూరగొనండి.
వారల  ఆగ్రహానికి గురై చరిత్రహీనులుగా మిగలకండి.

.
====================================