సాగర తీరమంతా ఆకాశం పులుముకున్న
నీలిరంగు ఛాయతో దర్శనమిస్తున్నది.
ఎలాగైనా దానిరంగును మార్చాలని
పక్షులన్నీ తమ రెక్కలను విప్పార్చుకుని
శతవిధాలా తమ తమ ప్రయత్నాలలో
మునిగి తేలడం మొదలెట్టాయి.

తీరంకు సమీపంలో హరితక్షేత్రంగా విలసిల్లే
కొండా,కోనలపై సుశిక్షితులైన సైకికులులా
నిలబడివున్నతరూ సమూహంపై కిరీటాల్లా
దీసెన పూలూ తంగేడుపూలూ తలమానికమై
వెలుగొందుతూ పరిసరాలకు నూత్నశోభను
అదనపు ఆకర్షణగా అందిస్తు, తృప్తిపడుతున్నాయ్.

గోడకు సున్నంగొట్టే కుంచెల్లా రెక్కలు విప్పుకున్న
పక్షులు కళ్ళకు కనబడుతున్న దృశ్యం మనోహరంగా తోస్తున్నది.

వీటి అమాయకత్వాన్ని చూసిన సాగరం వాటిని భ్రమపెట్టాలన్న తపనతో
నురగలను వెలరుస్తూ నవ్వుకుంటూ మున్ముందుకు సాగుతున్నది.
==========================================================