తస్మాత్ జాగ్రత్త!!
======================
స్వార్ధం విసిరేసిన చిల్లపెంకును నేను
చెరువునీటిపైన గిరికీలు కొడుతుంటాను.
ఆడ పిల్లలు ఆడుతుండే అష్టా చెమ్మలో
గిల్లాలబదులు పావులుగా నడిచే చింతఒఇక్కనునేను
రకరకాల మనుషులముందు స్థాన భ్రంశమౌతుంటాను.
అందుకేనేమో నన్ను ఆడపిల్లననన్నపేరుతొ అపురూపంగా చూస్తున్నారు.
అందాల భరిణనని అందరూ అనగా వింటున్నానుగాని
అది నా యుక్తవయసుకు ఆధుమిక సమాజం ఆసక్తిగా
అందించిన అమూల్యాభరణమన్న మాట నేనెరుగనిదికాదు.
పుట్టినింటనైనా మెట్టినింట్లోనయినా స్వంత వ్యక్తిత్వాన్ని
భద్రంగా కాపాడుకోవాలన్న పట్టుదలకే కట్టుబడువుంటున్నాను.
యేచిన్న పొరపాటుజరిగినా అది అమ్మ పెంపకంప్రభావమని
అమ్మను సూటిపోటీ మాటలతో కంటనీరు కుక్కుకునేలా
మీరంతా అవమానిస్తారన్న భయమేనన్ను భద్రంగామసలుకుంటూ
కుదురులో కాలం గడపాలని కాలం హెచ్చరిస్తూనే వుంటుంది.
వివస్త్రనుగా చేసి వేధింపులకు గురిచేసే కాకుల గుంపు నా చుట్టూ మసులుకుంటూ వుంటాయన్న భయం నాకు జాగ్రత్తలు చెప్పింది.
సినిమాలుచూసి నా భద్రత, బాధ్యతలను గాలికొదలి
విహంగయానం స్వేఛ్చగా చేయాలన్న పుండు నాకింకా మెదడులో
అంకురించిందన్న దాఖలా నాలో అస్సలు మీకు కనిపించదు.
మీరు నన్ను పాతచింతకాయపచ్చడంటూ అవహేళనకు గురి చేస్తున్నా
భరించేసహనం నాలోసుష్టుగా తిష్టవేసికూర్చున్నది.
మీ పొగడ్తలకు లొంగిపోయి సాష్టాంగపడతానని ముచ్చటపడకండి
అవసరాన్ని బట్టి చిచ్చు బుడ్డిలా ఎగిరెగిరిపడి చుట్టూ కాంతులు
విరజిమ్మడానికి సదా సర్వదా సర్వధా సిద్ధమై వుంటాను.
సీమటపాకాయలాతుస్సుమనను పదివేల జడలా మ్రోగుతూ
మీ గుండెల్లో లక్ష్మీ బాంబులా చెలరేగిపోతాను తస్మాత్ జాగ్రత్త!!
===========================================
No comments:
Post a Comment