దినం తెలవారుతూండగా
దినకరుని మయూఖాలు
అడ్దుపడుతూన్నా  పొగ మంచు దుప్పటిలోంచి
తొంగిచూస్తున్న పల్లె తల్లి.
ఎదురుగా నిలువెత్తున నిలబడిన
తాళ వృంతాలను గుర్తుగా మనసులో ముద్రించుకుంటూ
చిరువాహనాన్ని ఆరోగ్యప్రదాయినిగా
భావించి అడుగులను ముందుకు పడేలా
 నడిపిస్తూన్న తీరు అసమానం, అద్వితీయం.
ప్రభాతాన పల్లెతల్లికి అరుణారుణ తిలకాన్ని
దిద్దాలన్న తలంపుతో సిద్ధమవుతున్న సూర్య భగవానుడు.

దూరంగా గుడి గోపురంలోంచి శ్రవణపేయంగా వినబడుతున్న
సుప్రభాత శ్లోక పరంపరలు. ఇంకా భక్తి ప్రపత్తులకు మేమే
సోదాహరణమనుకుంటూ మురిసి ముక్కలయిపోతున్న ప్రభాతసుందరి.

====================================