జగదేక ప్రవీణ
-------------------రావెల పురుషోత్తమరావు 

                               ఎంత గొప్పది గుండె
అనునిత్యం స్పందిస్తూనే ఉంటుంది
ఎంత పెద్దదో గుండె
విశాల భావ తరంగిణిలా
జీవనదియై నినదిస్తూ ప్రవహిస్తూనే ఉంటుంది.
ఎన్ని బాధల అగాధాలనైనా ఇట్టే దిగమింగి
నవ్వును పులుముకుని నర్తిస్తూ వుంటుంది.
ఎంతటి సంతోషాన్నయిన్నా,చెలియలికట్టనతిక్రమించకుండా
కుదించుకుని మరీ స్వీకరిస్తూంటుంది.
ఎక్కడ వ్యాఘాతం జరిగిందని విన్నా ఇక్క డి క్కడి డే కుమలడం ఆరంభిస్తుంది.
దూరాల్లోని అవరోధాలనధిగమించి
దూసుకు పోవడంలో ముందుంటుoది..
ప్రమాదాలు పరిహసించినప్పుడూ
ప్రమోదాలు తలకెక్కినప్పుడూ కార్య కారణాలతో సంబంధం లేకుండా
కం టిలో తడిని చేరుస్తూ ఉంటుంది.
అన్ని అవయాలతో తన కు
అవినాభవ సంబంధం ఏర్పరుచుకుని
కళ్ళు, వీ క్షిం చినా వీనులు, వింటూ
ఉలిక్కిపడినా
ఈ హృదయమే ఉద్వి గ్న యై ద్రవిస్తుంది,
వసంత యామినికి ఆహ్వానం పలకడంలోనూ
శిశిరానికి జే జేలు చెప్పడం
హేమంతానికి శ్రీకారం చుట్టడం లోనూ
వర్షర్తువు వొడి లోకి హర్ష పులకాకితమై చేరడంలోనూ
గ్రీష్మాన్ని గిరి గీసి నిలువరించడంలోనూ
శరదృతువు తో సమాగ మవడం లోనూ
ప్రధమా ర్ధ భాగంలో అధివసించి
చిరునవ్వులు చిందిస్తూ జగదేక ప్రవీణగా భాసిస్తుంది

==========================