ఎగసిపడుతూ అచ్చిన ఆకాశం
ఇలా విరుచుకుపడిపోయిందేం?
నగరమంతా జలధారలతో
ఇలా నడిసంద్రమై ప్రవహిస్తున్నదేం?
బయటకెళ్ళిన వాళ్ళంతా బ్రదుకుజీవుడా అంటూ
పరమాత్ముడిని పదే పదే తలుచుకునే దురవస్థ
ఇలా సంప్రాప్తించడమెందుకని?
ఇల్లూ ఒడలూ తడవని నగర వాసులుంటే వచ్చి
నన్ను మనసారా ప్రార్ధించమని
నువ్వలా భీష్మించుకుంటే ఎలా?
కులాలుమతాలకతీతంగా అందరం ఒక్కటిగా
ఘూర్ణిల్లుతున్నాంకనబడడంలేదా! ప్రభూ!!
అతివృష్టినికాదుసుమా!! నీ దయాదృష్టిని
మాపై నిరంతరం ప్రసరించే సమయం ఆసన్నమైంది
ఆపన్నులను అనాధలుగా మార్చకుండా
నీ వు అక్కునజేర్చుకునే సమయం ఆసన్నమైంది.
అన్నలూ తమ్ముళ్ళూ అందరం అస్రుధారలను
వర్షించడం మానేద్దాం!! ఆజలకణాలూ
ఈ వరద వుధృతినిపెంచుతాయేమొనని నా భయం.
అందుకే ఏడవకండేడవకండి,మీగుండెల్లొ గూడుకట్తుకున్న
భయాందోళలను పారద్రొలేప్రక్రియలో పూర్తి సమయాన్ని
వెచ్చించండి...మీకన్నా అధోజగత్తులో వుంటూ
చేసేదేమీలేక గుండెను చిక్కబట్టుకుని ఈ దుర్భర పరిస్థితులు
చక్కబడాలని విశ్వంతోగొంతుకలిపిమరో మంచి మహా ప్రథానంకోసం, తెరిపినిచ్చే ఆకాశంలోని తెలిమబ్బులుకమ్ముకుని
విచ్చుకున్న పూలలా మనుషులంతా ఈ భువన భవనాన్ని
మెచ్చుకునేలా ,నొచ్చుకోవడం మానేలా ఉండాలని
ఆ విశాలహృదయుడైన మానవాతీత శక్తిని అందరూ
ఏకకంఠంతో ప్రార్ధిస్తూ మూర్ఛనలు పోదాం అందరం చేయీ చేయీ
కలిపి ఈ విపత్తును ధైర్యంగా గుండెనిబ్బరంతో ఎదుర్కొందాం!!