మృత్యువుతోనాకు సుదీర్ఘమైన
పరిచయముందన్న మాట మాత్రం వాస్తవం.
మొదటిసారిపరిచమయ మయినప్పుడే
మొండితనాన్ని కానుకగా ఇచ్చి వెళ్ళింది.
ఆతర్వాత అదే సన్నిహితంగా దరిజేరి
అసహనానికిక తిలోదకాలివ్వడం మేలని
ఒక ఉచిత సలహా పారేసి వెళ్ళింది.
అరవయ్యేళ్లక్రిందట ప్రసవసమయంలో
వైద్యసౌకర్యంలేని మారుమూల పల్లెలో
నెత్తినెట్టుకుని ఊరేగుతూ ఊరంతా ఆవిడ
మహా ఇల్లాలని బ్రతిమాలిన, బామాలిన
పెడచెవినబెట్టి కన్నతల్లిని
దూర దూర తీరాలకు
ఘోరంగా వెంటబెట్టుని వెళ్ళి
మరీ పలాయనం చిత్తగించింది.
నాలుగు పదులుమాత్రమేనిండిన
అమ్మను వెంటబెట్టుకెళ్ళి మమ్మల్ను
అనాధలనుజేసి వదిలేసింది.
పెళ్లయిన కొత్తల్లో ఇంటి గ్గర
విశ్వాసంగా తోకూపుకుంటూ ఇంటిలో
ఒక్కదానిగా మెలగుతూ ఉండిపోయిన రాజును
నిర్దాక్షిణ్యంగా వెంటేసుకుని వెళ్ళిపోయింది.
అల్లారుముద్దుగా పెరుగుతూ
పరమాత్ముడు మాకందించిన
ప్రేమఫలాన్ని ఆరున్నరేళ్లకే
వైద్యుల నిర్లక్ష్యాన్ని వంకగా బెట్టుకుని
ఏకసంథాగ్రాహియని అందరూ భావిస్తున్న
మాధవిని చంకనె ట్టుకుని చ ల్లగా జారుకుంది.
ఆరేళ్లక్రిందట శ్రీరామ న్వమిహడావుడిలో
వుండి ఇంటి ఇల్లాలికివంటింట్లో సాయపడుతున్న
నాను క్షణాల్లో ఇంటిగుమ్మం దాకా వచ్చి
వెంటబె ట్టుకుని వెళ్ళి గంటలు గడవకుండానే
తిరిగి ఆసుపత్రి ద్వారా ఇంటికొచ్చి దిగబెట్టి
లెంపలేసుకుంటూ నిష్క్రమించింది.
మూడేళ్ళ క్రిందట ముసిముసినవ్వులునవ్వుతూ
మాటాడుతున్న మాఇంటి మహలక్ష్మిని
గుట్తుచప్పుడుకాకుండా గుండెనొప్పని చెప్పి మాయ తివాసీపై
కెక్కించి మాయచేసి మరీ మమ్మల్ను మోసంచేసి
దు : ఖ సముద్రంలో ముంచేసి నిర్దాక్షిణ్యంగా వెడలిపోయింది.
ఈ పంచతంత్రపు కధలమధ్య చందమామ
పుస్తకంలోచదివిన భేతాళుడిరూపంలో
ఎప్పుడయినా దిగబడి ఇంటితలుపుతడుతుందో తెలియని
విచికిత్సలో మామధ్య నెలకొ న్నది మిత్రలాభమా ,మిత్ర భేదమా, సంధియా, విగ్రహమా
తెలుసుకోలేని తేల్చుకోలేని సందిగ్ధంలో మృత్యువుతో సహవాసం
ఎంత విషాదాన్ని పంచుతున్నదో అవగ తమయిపోయింది.
---------------------------------------------------
