ఎక్కడినుండి ఊడిపడిందో ఈ తుఫాను గాలి బీభత్సం
చెట్లన్నీ పండుగరోజుల్లో పీర్లలాగా ఊగిపోతున్నాయ్.
ఉరుములు మెరుపులతో తన ఉనికిని చాటాలని
ఎంతగా ఉబలాట పడుతుందో దీని సిగదరగ
ఇంటికి తిరిగి రావాల్సిన పశువులెంతగా
 మార్గం  మధ్యంలో కంగారు పడుతున్నాయో
మధ్య మధ్యలో ధరిత్రి మాతకు
 శిరసుపైజల్లే శుభాక్షతల్లా
ఒక్కుదుటున నేలమీదకు దుమికి రావాలని
 తొందరపడుతున్న వడగండ్ల వాన.

నవ వధువు చిలకరించే చిరు మందహాసంలా
తొణకక తొలగక కురిసే తొలకరి జల్లుల పులకరింత.
  నిన్నటిదాకా పెనం మీద ఉడికినపదార్ధంలా
 ముటముటలాడుతూ  వరుస చెమట్లతో
 విరామంలేని విసుగును పంచిన  చిరాకుల ఆకాశం
చిరుజల్లుల ఆగమనంతో కొంత కొంతగా శాంతిస్తున్న వైనం.

--------______________________________