ఎందుకని?
---------------------
మతాబాల  ప్రకాశంతో
విజృంభించవలసిన దీపావళీ
కలుగుల్లోకిదూరి
కలతపెడుతున్నదెందుకని?

తారాజువ్వలా నింగికెగసి
ఆశలనువ్వెత్తుగా నిలపగల
అవకాశాలకు ఆస్కారమివ్వదెందుకని?

చిచ్చుబుడ్లా రెచ్చిపోవలసిన యువత
ఉద్యోకావకాశాలు దొరక్క
ఘూర్ణిల్లుతూ కూర్చోడమెందుకని?


తుస్సుమంటున్న మానవతావిలువలమధ్యన
చెమటోడ్చి చిగురులను సైతం తరువులుగా పెంచి పోషించిన
వృద్ధాప్యం మసిపూవొత్తుల్లా నుసిరాలుస్తూ
నిరాశల సంద్రంలో మునకలేయడమెందుకని?

"హాయిహాయిగా ఆమనిరేయి"లాంటిగీతాలతో
అలరించిన ఆపాత మాధుర్యాలు
అశ్లీలం అసభ్యాల పదాలపోహళింపులతో
నేటి సినీగీతాలు లక్ష్మీ బాబుల్లామారి
చెవులను చిల్లులుపొడిచే శబ్దాలమధ్య
చిరుగులతో  చిరాకుపెట్టడం ఎందుకని?
===========================