నన్నంటిపెట్టుకుని గుబాళించే
ఆ రేకలన్నింటినీ ఒక్కొక్కటిగా
వలపు దాహం పేరుతో వొలిచేసావు.

భావగర్భితమైన
నా భాషణలన్నింటినీ
నీ సొంతం చేసుకుని పొంగిపోయావు.

నగ్న తరువులానేను శూన్యావకాశాలతో
నిలబడితే నవ్వులాటగానన్ను
నగుబాట్లపాల్జేసి నిందించావు.

ఇప్పుడేమో నువ్వే నాకు కావాలని
శిలావిగ్రహంలా నిలబడి బ్రతిమాలుతున్నావు.
నిన్నెలా నమ్మాలో అర్ధంగాక మౌనాన్నాశ్రయించి
ముగ్ధలా మూర్తీభవించి మూగనోము పట్టాను.