జవాబులకోసం వెదుకుతున్న ప్రశ్నలు
-------------------------------రావెల.
=========================================

నీళ్ళుజలజలా పారాల్సినచోట
నిప్పులెందుకు కణ కణా మండుతున్నాయ్?
మౌనంగా రోదించగలిగిన మనసు
కేకలతో పెడబొబ్బల్తో కెవ్వుమంటున్నదెందుకని?
సహనానికి మారుపేరుగా చరిత్రకెక్కిన జాతి
అసహనాన్నంతగా ప్రదర్శిస్తున్నదెందుకని?
మరో మహాప్రస్థానంకోసం అడుగుముందుకేయాల్సిన ప్రపంచం
తిరోగమన దిశగా చిత్తగించేందుకు తొందరపడుతున్నదెందుకని?

మూడుయాభైలుపైగా సాగుతుందనుకున్న సాహితీ ప్రస్థానం
మూడుకాళ్ళముదుసలిగా మూలకు జరిగి మౌనరాగాన్నలపించడమెందుకని?