ఒక్క సరళ రేఖనుకూడా సరిగ్గా గీయలేనివాడు
బాపుగానో, రవివర్మగానో పికాసోలాగానో
తయారు కావాలని తపించడంలో తప్పులేదు!
శ్రమించడం అటకెక్కించినప్పుడే
అభాసుపాలవడం ఆరంభమౌతుంది.

ఒక్క పదాన్నికూడా కుదురుగా  సమన్వయంతో
 క్రోడీకరించే నేర్పులేని వాడు
పోతన గారితోనో ప్రసాదరాయకులపతిగారిలానో
భవకవితా జలధి  దేవులపల్లి వారితోనో
సరిసమానంగా సాహితీ వ్యవసాయం చేయగలనని
తలపోయడం భ్రమ కాకుండా ఏమై వుంటుందంటారు?
ప్రతిపదార్ధ విజ్ఞానం పెంపొందించుకోవాలిగదా!!
శబ్దార్ధ చంద్రికను శోధించడం మొదలెట్టాలికదా!!
=========================================