నివేదన
-----------
అతుకు బొతుకులగంత వంటి బ్రదుకునందున
 కంఠ దఘ్నపు ఈ విరహమెందులకు?

సుమలాలిత్యపు హృదయమందున
కరాళ దంష్ట్రాంకురపు క్షతములేలనో?

నవ్వుతు సాగే నయగారపు జీవితాన
కన్నీటి జలపాత ప్రహాహంపు అలజడులేలనో

ఆమనితో పరవశించెడు ఈ జీవికి
శిశిరర్తుపు మధుకీల దాహార్తు లేల?
సౌరభంపు సుమాలు ముడిచిన ఆనల్లని జడలో
శ్వేతవర్ణపు మొగలిపొదల బుసబుసలేలనో

వలపు జడులలో మురిసిన మనసుకు
వగపు వీడని దు@ఖ తలపులేలనో

అన్ని వేదనలు ఆమె కొరకేనని
అక్షరాలా విన్నవించనా?
దివ్యలోకాలకేగిన తనను
దివినుండి భువికి దిగిరమ్మని వేడనా?
------------------------------------------------------